Ikastaroaren izenburuaren arabera, gure lan-eremua da bigarren hizkuntzak irakastea testuinguru KULTURANITZETAN. Baina konturatuta gaude kultur aniztasuna zer den ulertzeko arazoak daudela, ez baitugu berdin interpretatzen zer den kultura.

Horregatik, aste honetan proposatzen dizugu kulturen gai hau arakatzen hasteko bi testu hauek irakurri eta zure ikuspegia, esperientzia, bizipenak... konpartitzeko hemen foroan:

• Zer da, baina, kultura? http://www.ehu.eus/ehusfera/komunikatzen/2017/01/22/zer-da-baina-kultura/
• ASIMILACION O ACULTURACION VERSUS CONVIVENCIA EN LA DIVERSIDAD. Manuel Montañés Serrano

Horrez gain, proposatzen dizuegu oinarrizko materialetik orrialde batzuk irakurtzea. Hemen klikatuz deskarga dezakezue pdf-an:

Partaidetza ereduetatik eraikitze kolektibora

Aurrez aurreko saioetara etorri zaretenok liburuxka bertsioan duzue eta etorri ez zaretenok pdf-an irakur dezakezue. Ohar bat: pdf-a inprimatu nahi baduzue, orrien tamainagatik pentsatuta dago bi orrialde inprimatzeko orrialde bakoitzeko, letra-tamaina handitxoa baita pantailan erraz irakurtzeko.

Aste honetarako, KULTURA HERRIKOIAK izeneko ataleko orrialde hauek irakurtzea da gure iradokizuna: 54-57 orrialdeak

Bertaratu zinetenok ere bi mezu idatziko dituzue foro honetan:

• Ondo legoke mezuren bat idaztea aurrez aurre izan genituen eztabaidak komentatzeko, edo hausnarketaren batekin, esperientziaren bat...
• Interesgarria litzateke mezu bat idaztea kultura eta kulturak zer diren hausnartuz eta batez ere irakaskuntza lanarekin nola lotzen duzuen hausnartuz, horrela teoria praktikarekin elkarlotzen joango gara.

Gogoratu: astean gutxienez bi mezu esanguratsu idatzi behar dira, gure materialak oinarri harturik edota beste partaide batzuei erantzunez. Otsailaren 9ra arte duzue idazteko aukera, ostiral gauera arte!

ANIMO ETA ONGI ETORRI!