Donostiara joaterik izan ez zuenetako bat naiz eta ikaskideen iruzkinak ikusi ondoren informazio garrantzitsua galdu nuenaren sentipena daukat.
Nik ere, beste batzuen antzera, kulturarekiko nuen ikuspegia askoz orokorragoa zen eta norberaren jatorriarekin eta tokiko ohiturekin lotzen nuen erabat eta testuaren arabera kontzeptu horietatik haratago doan zerbait da.
Kulturaren sailkapena ikusi ondoren eta testuan jarritakoa errealitatera ekarri nahien bertsolaritza etorri zait burura. Bertsolaritza kultura herrikoiaren adibide dela esan genezake baina kultura instituzionalari esker biziraun duen altxor moduan hartu genezake? Eta azken urtetako “BEC” efektua, masa kulturala izan daiteke?