Ikastaroaren edukia

  • HIZKUNTZEN IKASKUNTZA TESTUINGURU KULTURANITZETAN

    Nola irakatsi hizkuntzak eskolan, gaur egungo egoera anitzean?

    como-si-hablaran-con-gerardo-by-bill-hackwell-cubadebate_cu

    Argi dago etengabea eta itzulezina izango dela ikasleen aniztasuna ikasgeletan; erantzun bakarra ez duen egoera horretan, lan egiteko erak eta metodologiak berrikusi behar ditugu, nork bere testuinguruan oinarrituz.

    Horixe izango da ikastaroaren xedea, eta horrekin batera, lan egiteko modu dialektikoak zer esan nahi duen aurkeztuko da.

    • Berriak emateko foroa

      Foro honen bidez berri orokorrak eta iragarpenak eskainiko ditugu. Horregatik zaude automatikoki harpidetua, ikastaroko azken berriak jaso ditzazun.

    • IKASTAROARI BURUZ Liburua

      Hemen duzue ikastaroaren inguruko informazio nagusia. Astez asteko zereginak, materialak eta hainbat ideia gehitzen eta biltzen joango gara hemen, foroetan bilatzen ibili beharrik ez izateko.

    • Ikastaroko partaideen amaierako lana Karpeta

      Hauek dira ikastaroko partaideek entregatutako azken lana, amaierako txosten gisa. Eskerrik asko denoi lan hau egiteko hartutako denbora eta interesagatik!

    • Amaierako lana bidaltzeko foroa

      Nahi izanez gero, foro honetan argitara dezakezu zure amaierako lanaren esteka, ikastaroko beste kideek ere ikuska dezaten. Ondo legoke estekarekin batera mezu labur bat idaztea, kideek jakin dezaten zertan den zure txostena labur-labur.

  • AMAIERAKO ZEREGINA

    2018ko martxoaren 5etik 12ra

    Amaierako zeregina

    Ikastaroa gainditzeko, dakizuen bezala, lan bat entregatu behar da ikastaroaren amaierarako, ikastaroan zehar idatzitakoa osatuz eta txosten formatua emanez. Bost orduko lana izatea espero da.

    Lanak hiru zati izatea proposatu nahi dizuegu (gero norberak erabakiko du zein izenburu jarri atal bakoitzari):

    • IKASTAROAN JASOTAKO HAINBAT IDEIA ESANGURATSU: baliagarriak izan dakizkizukeen ideia teorikoak, praktikoak, hausnarketak... bai gugandik, materialetatik eta bai taldekideengandik hartutakoak. Horretarako, baliagarria izango zaizkizu ikastaroan zehar egin ditugun bildumak (hemen: http://ilusionismosocial.org/mod/folder/view.php?id=833). Zuk zeuk foroan idatzi dituzun mezuak irakurri nahi badituzu gauzak hartzeko, zure profilean sartuz ikusiko dituzu denak jarraian (profila/perfil ->Mensajes en los foros / Mezuak foroetan).
    • ZURE IRAKATS-JARDUNEAN ALDATU/HOBETU NAHI ZENITUZKEEN ALDERDIAK: atal hau zure irakats-praktikaren deskribapen batekin batera joan behar da, aldaketak edo hobekuntzak zertan dautzan hobeto uler ditzagun.
    • ZER ALDATUKO DUZUN ETA ZER ALDATU NAHI ZENUKEEN (baina ez zaude ziur nola): aurtengoan ez bada datorren ikasturtean, zer da ikastarotik hartutako ideietan oinarriturik egingo dituzun aldaketak? Eta zer da aldatu nahi zenukeena baina oraindik ez duzu argi zer egin edo nola? Landu ditugun kontzeptuetan sakondu behar duzu pixka bat hau azaltzean, zure proposamenen funts teoriko-praktikoa hobeto uler dadin.

    Hemen irakur ditzakezu argibide gehiago: http://ilusionismosocial.org/mod/book/view.php?id=800&chapterid=4

    EPEA: martxoaren 12a, beranduenik. ERNE! Epe hau ezin da luzatu, mesedez ondo antolatu lan-zama garaiz iristeko. Lehenago emango bazenute asko eskertuko genizuke!

    Lana foroan eskegi daiteke edo epostaz bidali Ainhoari (ainhoa.ezeiza@gmail.com).

    Partaideren batekin zalantzarik baldin badugu, jarriko gara epostaz harremanetan. Nolanahi ere, mezu bat jasoko duzue gure plataformatik GAI/EZ GAI kalifikazioarekin, jakinaren gainean egon zaitezen, baieztapen modura.

    AMAIERAKO INKESTA: Ikastaroaren amaieran, mezu bat bidaliko dizuegu asebetetze-inkesta betetzeko. Asko eskertuko genizueke inkesta hori betetzea; bertako erantzunak ere Eusko Jaurlaritzara bidali behar ditugu.

    Dudarik baduzue, jarri nirekin harremanetan: ainhoa.ezeiza@gmail.com edo 635754847 telefonoan

    • 4. astea: Testuinguru eleanitzetan lanean

      2018ko otsailaren 26tik martxoaren 2rako astea

      Testuinguru eleanitzetan lanean:

      Nola egin dezakegu lan ikasgelan eta ikastetxean, dibertsitatea errespetatuz eta bizikidetza eraikiz? Nola landu dezakegu elkarren arteko laguntza, elkarrekin ikasteko? Zer egin dezaket neure ikasgelan/ikastetxean, ditudan baldintzak kontuan harturik?

      Azpigaiak: Kultura aniztasuna ikasleekin eta ikasleengandik lan egiten denean: testuinguru eleanitzetan lan egiteko modu irekiak. Identitatea vs. identifikazioak. Egiturak malgutzeko erak. Ahozko historiak.

    • 3. astea: Ahozkotasunean oinarritutako komunikazioa

      2018ko otsailaren 19tik 23ra bitarteko astea

      Ahozkotasunean oinarritutako komunikazioa:

      Zergatik abiatu behar dugu ahozkotasunetik hizkuntzak ikasteko? Ahozkotasuna ez da "ahotik esaten denaren" baliokidea. Pentsatzeak, sentitzeak eta egiteak bateratzeko moduak.

      Azpigaiak: Ahozkotasunaren dimentsioaniztasuna. Ahozko komunikazioak eta idatzizko komunikazioak. Diziplinartekotasunetik diziplinen ikuspegia gainditzera.

      • 3. astea: Ahozkotasunean oinarritutako komunikazioa Foroa

        Aste honetan, hizkuntzen irakaskuntzako gai zehatzago batean murgilduko gara: ahozkotasunaren lanketaren garrantzia.

        Orokorrean eskolan hizkuntza idatzizkotasunetik lantzen da, bai lehen hizkuntzak eta bai bigarrenak eta zer esanik ez atzerriko hizkuntzak. Pentsa daiteke hizkuntza bat ikasteko idatzizkotasunak laguntzen duela, idatziz ikasten dena gero ahoz esatea errazagoa delako. Baina ez da gauza bera ahozkoa eta ahozkotasuna.

        Hau da gure proposamena:

        Ilusionismo sozial izenez ezagutzen duguna egiteko modu bat da (ez metodologia bat) dimentsio dialektikoan oinarritzen dena, abiapuntutzat metodologia partehartzaileak dituena (IAP bereziki -"Investigación-Acción Participativa" deritzon ikerketa-metodologia) eta lana kultura herrikoei begira garatzen duena. Eguneroko bizitzako espazio eta denboretan gertatzen diren bitartekotza sozial desiragarrien sorkuntza eta dinamizazioa ditu ardatz nagusi; horretarako, jendearekin eta jendearengandik abiatuta egin behar da lan, dauden aukeren segurtasunetik mugituz eta ezinezkoaren itxaropenera joz, eguneroko bizitzaren autogestioaren bitartez; pentsamendua eta sentipena, ekintza eta ezagutza, jakintza guztien ikaskuntza eta azterketa ezberdindu ezin direlarik.

        Astean zehar, ideia da partekatzea zer egin dugun edota zer egin dezakegun ahozkotasunetik lan egiteko. Eskatuko nizueke esperientziak zehaztasun pixka batekin eta hausnarketaren laguntzaz argitzea, bestela azalean soilik geratzeko arriskuan egon gaitezke.

        Asteko galdera nagusia da: NOLA LANDU AHOZKOTASUNA GEURE IKASGELAREN/ESKOLAREN TESTUINGURU ZEHATZEAN?

      • Oralidad y escritura. Walter J. ONG Fitxategia

        Hizkuntzaren analisia ikuspegi antropologikotik. Hizkuntzaren bilakaeraren inguruko kontu interesgarriak bildu ditu. Liburu luzeago baten atal bat da, inork interesik izanez gero, liburu osoa dut pdf formatuan.

      • Dificultades del alumnado nasa en la universidad Fitxategia

        Artikulu interesgarri honek azaltzen du zein diren ahozko kulturetatik datozen ikasleen zailtasunak eskolako hizkuntza bereganatzeko, idatzizkoa batez ere.

    • 2. astea: Hizkuntzaren didaktikaren oinarriak

      2018ko otsailaren 10etik 16ra bitarteko astea

      Hizkuntzaren didaktikaren oinarriak:

      Ikuspegi normatiboa, komunikatiboa, partehartzailea. Zergatik utzi behar diogu ikuspegi estrukturalistatik lan egiteari? Paradigma aldaketarako argumentuak. Hizkuntza "didaktizatzearen" arriskuak eta galerak. Nola egin dezaket lan ikasleekin eta ikasleengandik? (eta ez "ikasleentzat" edo "ikasleengatik"). Nola ulertzen da ebaluazioa ikuspegi dialektikoan?

      Azpigaiak: Hizkuntzaren didaktikaren oinarriak: ikuspegi normatiboa, komunikatiboa, partehartzailea. Ikuspegi dialektikoa eta ilusionismo soziala. Ebaluazioa, beharrak eta asebetetzaileak, eta konplexutasuna.

      • 2. astea: Hizkuntzaren didaktikaren oinarriak Foroa

        Aste honetan, hizkuntzen irakaskuntza-moduak birpasatuko ditugu. Zein eredutan oinarritzen duzu zure lana?

        Hauek dira aste honetarako proposatzen dizkizugun irakurketak:

        Foroan, material hauetatik jasotzen dituzun ideiez gain, klasean erabiltzen duzun irakaskuntza-eredua edo ikuspegia azal dezakezu, edota pixka bat deskribatu edo kontatu nola ematen dituzun eskolak. Lan hau oso garrantzitsua izango da irakasleok jakin dezagun nola garatu ikastaroaren ildo nagusia, horregatik, nahi baduzu, kontatu baita ere zein diren zure kezkak edo zalantzak irakaskuntza-moduen inguruan.

        Gogoratu: astean gutxienez bi mezu esanguratsu idatzi behar dira, gure materialak oinarri harturik edota beste partaide batzuei erantzunez. Otsailaren 16ra arte duzue idazteko aukera.

        ANIMO ETA EKIN LANARI!

      • Irakurketa osagarriak:

      • «Hizkuntza kontrolatzeari utzi behar zaio» URLa

        Berria egunkarian 2017ko urtarrilaren 21ean argitaratutako elkarrizketa, Julia Sallabank. Londresko SOAS Unibertsitateko irakasleari.

      • Ikasgela, hizkuntzaren ikas-irakaskuntzarako ikerketa-gune.. Ruiz Bikandi, Plazaola. Fitxategia

        El aula como ámbito de investigación sobre enseñanza y aprendizaje de la lengua. V Seminario. Ikasgela, hizkuntzaren ikas-irakaskuntzarako ikerketa-gune. V Mintegia. Uri RUIZ BIKANDI, Itziar PLAZAOLA (ed.). (liburu osoa). Liburu honetan, hizkuntzaren didaktikan egiten diren ikerketa-moduak ikus ditzakezue, unibertsitatean gai honen inguruan egiten den lana, nolabait esateko.

    • 1. astea: Kultura eta kulturak

      2018ko otsailaren 1etik 9rarte bitarteko asteak

      Kultura eta kulturak:

      Zer da kultura? Zergatik nahasten ditugu kultura, folklorea eta hizkuntza? Zer esan nahi du ikasgelan "kulturak" lantzea? Kultura desberdinen arteko harreman-erak.

      Azpigaiak: Estereotipoak, aurreiritziak, folkloreak... kulturen inguruan dugun ikuspegia zabaltzea. Kultura instituzionala, masa kultura eta kultura herrikoiak